السيسى: مصر تتعرض لعمليات إرهابية على مدار 50 عاما

كتب : سمير سري

وجه الرئيس عبد الفتاح السيسى حديثه للأئمة الحاضرين فى احتفالية المولد النبوى الشريف وقال لهم: “أنتم كلكم كتائب النور التى وجب عليها أنها ترفع الظلام الذى نراه”.

وأضاف الرئيس: “بقالنا تقريبا 50 سنة فى العمليات الإرهابية، وبقول لو سمحتم أعملوا محاكاة للاقتصاد المصرى لو لم يتعرض للضربات خلال الـ50 سنة اللى فاتوا دول، وقولوا شكله كان هيبقى عامل إزاى؟”.

وتابع: “أنا مش بكلمكم أنتوا عشان نقنع المتطرفين، أبدا، لكن عشان تحافظوا على المعتدلين، والشعب المصرى والشباب والشابات بأنهم ما يتأثروش بالأفكار دى، لأن الأفكار دى ماتقومش شعوب ولا دول ولا حضارات.. فهناك 12 دولة بقالها سنين طويلة بتعانى من الموضوع ده، باكستان وأفغانستان والعراق وسوريا والصومال وليبيا، الدول دى هترجع تانى أمتى؟ المطلوب لإعمار سوريا 250 مليار دولار”.

وأردف قائلا: “إحنا كمجتمع معنى بالحفاظ على بلدنا، الأمن والاستقرار ما بيجيش من الجيش والشرطة فقط لكن من المجتمع كله، حبيت أقولكم أن الأفكار الشيطانية اتوجدت عشان تهدم الأمم وتعرقل مسيرة الدول، فلا يمكن أن تستطيع أمة الصمود والنجاح والنمو بالأفكار دى”.