كتبت – بسمة غربية
تحدثت الفنانة فيفي عبده عن خيانة الرجال موضحةً أن كل الأزواج لديهم نزوات ويخونون زوجاتهم.
وتابعت فيفي: “الرجالة كلها بتخون واللي تقول مش بيخون وماشي على الصراط المستقيم مش صحيح، ولا بد الراجل يكون عنده نزوات، وبتبقى قمر وتتخان والمفروض تعمل نفسها مش عارفه”.
وأكملت الفنانة: “الست لو واجهت الراجل بخيانته أكبر غلط لها في الحياة، الحياة دلوقتي صعبة ونسبة الطلاق عالية جدا، وهي حقها تفتش وراه وحقه يخلي باله من مراته ولكن الست لازم تفهم ولو عرفت أنه بيخونها تطنش”.
وأردفت فيفي عبدة: “الراجل لو بيحب مراته يبيع أي حاجة في الدنيا عشانها لكن هي لازم تستحمل وتعدي، وكان في ناس بتحاول تشككني في جوزي ولكن مكنتش بعطي فرصة لكده”.
وردت على زواج كبار السن قائلةً: “هي الكبيرة متتجوزش؟ وليه الكبيرة متتجوزش والناس المفروض متنتقدش؟ وفي ناس بتبقى محتاجة ونس في البيت واللي يجيب الونس الارتباط، وفي ناس بتربي حيوانات ولما يكون معاك إنسان تتكلم مع حد غير أنك كبرت وخلاص”.
وأوضحت الفنانة: “كل يوم بيجي لى عرسان والكومنتات كلها طلبات زواج ولكن أنا ست متجوزة ولو أنا وحيدة هتجوز”.
واختتمت فيفي حديثها قائلةً: “أنا فرحت جدًا بظهور نجاة واللي بيبطل شغل بيتنسي ولو أنا مش في الميديا كنت اتنسيت، وأنا بحب شغلي وصاحية لشغلي وعارفة ازاي ابقى موجودة”.
