كتب – أحمد دسوقي
حصد فيلم “إكس مراتي” بطولة هشام ماجد، إجمالي إيرادات 26 مليونًا و707 آلاف و564 جنيهًا، بعد 10 أيام عرض في السينمات المصرية.
يذكر أن فيلم “X مراتي” تدور أحداثه في إطار كوميدي حول طبيب نفسي متزوج من سيدة، ويكتشف بعد فترة طلاقها من مجرم خطير، ويقوم ببطولة العمل “هشام ماجد، أمينة خليل، محمد ممدوح، خالد كمال، علي صبحى”، والعمل من إخراج معتز التوني، وتأليف أحمد عبد الوهاب وكريم سامي.
صرح هشام ماجد قائلًا: “أقدم شخصية دكتور يوسف بكر دكتور نفساني، ومتزوج من سحر وعندهم ابن اسمه سليم، وبيدخل في حياتهم حد يبوظ كل حاجة”.
تابع ماجد: “ما كنش فيه حاجة صعبة في التحضير للشخصية، أكثر من أن إنت بتحاول تبقى مقنع للمشاهد إنك دكتور نفساني بجد، فتحاول تتكلم كلام يبان أن ده دكتور نفساني، خاصة أن مصطلحاته مش مصطلحات شخص عادى”.
وأضاف هشام ماجد: “كلمت دكتور نفساني سألته على شوية معلومات عن الشخصية ومصطلحاتها، خاصة أنه كان في مشهد في الفيلم محتاج اتأكد أنه بيحصل في الحقيقة أو لا، وأكيد المشاهدين هيشوفوا إن في شوية مبالغات مننا، بس في الآخر إحنا بنعمل فيلم كوميدي، مش المفروض كل حاجة تبقى مضبوطة أوي”.
