كتبت – فاطمة ثروت
تحدثت الفنانة نيللي كريم في تصريحات إذاعية لها، عن حقيقة خلافها مع الفنان محمد رمضان، وشركة العدل جروب، وذلك بعدما تعاونا في فيلم “ع الزيرو”، فضًلًا عن حديثها عن مشوارها الفني، ومشاركتها في رمضان 2024.
قالت نيللي كريم: “أنا مش ماضية عقود احتكار مع أي حد ولا العدل جروب، وبشتغل مع ناس كتير وأي حد بيشتغل معايا، لكن أهم حاجة هعمل إيه وهقدم إيه مختلف”.
وتابعت: “فيلم ع الزيرو أنا بعتبر نفسي طلعت فيه ضيفة شرف، لإن البطولة كانت بين محمد رمضان والطفل، ومعنديش خلافات معاه هو فنان مجتهد ومحبوب”.
وأضافت الفنانة نيللي كريم: “الحمد لله الواحد عنده
رصيد تقيل في الدراما ومقصرتش فيها، ونفسي التأثير بتاع الدراما يحصل في السينما”.
وأردفت: “بعتبر مسلسل ذات من الأعمال الكلاسيكية، وناس كتير لغاية دلوقتي من وقت ما نزل من 10 سنين بيتفرجوا عليه”.
وواصلت كريم: “مسلسل سجن النسا، من المسلسلات اللي تعرفي تتفرجي عليها دلوقتي هو قاسي يعني لو إنتي في موود حلو متتفرجيش عليه، وتحت السيطرة من المسلسلات المهمة اللي أثرت في ناس كتير، وواحد عالج ابنه من الإدمان بسببه”
وتطرقت نيللي كريم للحديث عن مشاركتها في الماراثون الرمضاني 2024، حيث قالت: “هعمل حاجة مختلفة في رمضان، وهيكون مسلسل كوميدي”.
وأكملت: ” أنا تعبت من الدراما التقيلةد وتعبتني نفسيًا وخلاص زهقت وعايزة أدخل في مرحلة مختلفة، وعايزة أركز في السينما، لإنه يمكن أنا مقصرة فيها وبقالي كتير مبقدمش حاجة”.
وأتمت نيللي كريم تصريحاتها: “أنا سمعت عن الفيل الأزرق الجزء الثالث من فترة، ولكن معنديش معلومة لسه عن جدية الموضوع”.
