(عيونك حزينه) .. لشعر : هيثم منتصر

يونك حزينه يابنت اللذين

ورمشك حواري

 بيحمل في طيُّه  نظره رزينه

ياسهله وصعبه وخاينه  وامينه

ياسايبه المشاعر في ضل الكلام

وسايبالي قلبك في لمس السلام

وراسمه الخيال اللي  ضلل علينا

بحبك خميله وشايفك جميله

كلامك سعاته تعدي قوام

ونظره يدوبك تعلم علام

وبنسي في همسه جميع الآلام

تمللي تعالي وزيدي التعالي

ياطايله العلالي ودايما تلالي

اشوفك أحس الحياه ارجوان

عيونك حزينه يابنت اللذين

ياشَرياني بالاندماج المباشر

وشُرياني نابض في قلبك مباشر

يازهره في بستاني نادره وقادره

تغير مصيري اللي أصبح مصيرك

ياهبله  وعاقله وهاديه وشعنونه لما

بقبِّل جبينك

بشوفك حياتي اللي ماشوفتهاش

وروحي اللي دايبه في روحك بلاش

وكدبه في صوره يدوبك فلاش

ساعات الأماني تكون حلم يقظة

بشوفه اعاده بأمر السياده كأنه زمان

عيونك حزينه يابنت اللذين

ومهرك معدي حدود المكان