حبيبتي يا أمي-نبيل مصيلحي

ــ

بعد الله  و رسوله يا أمي

أحلف إنك أغلى  الناس

إنتي حبيبتي وساكنه ف دمي

أغلى م  الدهب والماس

ــ

مين غيرك بيهدهد نفسي

لما باكون زعلان مهموم

مين غيرك يحميني من يأسي

يبعد عني أي غيوم

ــ

أحلف لك بالله سبحانه

إن في حضنك أجمل راحه

بتدفيني أتوه في حنانه

وكأني في واحه روَّاحه

ــ

دا انا إن جبت الدنيا عشانك

ما توفي خوفك وحنانك

ساعة تعبي وسهرك جنبي

لحظة ما بتنزفي أشجانك

ــ

وصى الله سبحانه عليكي

رب الكون في علاه يراضيكي

و( محمد ) بحنانه اتوصا ..

ووصى نكون ليكي وحواليك

ــ

بعد الله ورسوله يا أمي

أحلف إنك أغلى الناس

ـــــــ

لــ  ( أمي ) وكل أم مخلصة تعبت من أجل عيالها .. ربنا يبارك

كل عام وانتم بخير .