طاهر محمد: “في ماتشات كويسة اوي في النادي عملتها بس محدش حس بها” 

كتب – أحمد سعيد

كشف طاهر محمد طاهر لاعب الأهلي، عن تفاصيل استعداداته للموسم الحالي، والطفرة الكبيرة في أدائه الفترة الأخيرة التي كانت سببا لانضمامه للمنتخب.

وقال طاهر محمد طاهر عبر برنامج حارس الأهلي على قناة النادي الأهلي: “لاعيب الكرة عليه انه يتمرن ويتعب والأهلي فيه احسن لاعيبة فى مصر وافريقيا”.

وأضاف طاهر؛” ان انا ابقى موجود في وسط اللاعيبة دي، بيحط ضغط ومسئولية اني لازم ابقي كويس ومركز”.

وتابع: “عشان لو بادئ او لا او اكتشفت اني في التشكيل ابقي جاهز، الفرصة بتيجي والكرة احداثها سريعة في يوم برا وفي يوم تلعب، وفجاة تلاقي نفسك بادئ ماتش كبير”.

وأشار:”في ماتشات كويسة اوي في النادي عملتها بس محدش حس بيها مجبتش جون ولا عملت اسيست وفي اوقات اجيب جون او كدة وابقي طالع مش راضي عن نفسي”.

 وتابع طاهر محمد:”في اوقات كتيرة ببقى عامل ماتشات جامدة والاقي ردود افعال مش كويسة وتفاجئ بدة بعد الماتش”.

وأشار:” الماتش الوحيد اللي انا فاكره كنت عامل ماتش حلو اوي وخسرناه كان ماتش الوداد، هي بتبقي علي حسب الظروف او السيزون ماشي ازاي”.